GWEINIDOGION Y DU SY'N GWEITHREDU MEWN MEYSYDD DATGANOLEDIG
018 - Rheoliadau’r Athrofa Brifysgol Ewropeaidd (Ymadael â’r UE) 2022 [Saesneg yn unig] Dyddiad gosod yn Senedd y DU: 17 Hydref 2022
Sifftio
Yn destun gwaith sifftio yn Senedd y DU?	Amherthnasol
Gweithdrefn:	Cadarnhaol drafft
Dyddiad trafod gan Bwyllgor Offerynnau Statudol Ewropeaidd Tŷ'r Cyffredin	Amherthnasol
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Amherthnasol
Dyddiad y daw'r cyfnod sifftio i ben yn Senedd y DU	Amherthnasol
Memorandwm Cydsyniad Offeryn Statudol (SICM) o dan Reol Sefydlog 30A (oherwydd eu bod yn diwygio deddfwriaeth sylfaenol)	Dim angen
Gweithdrefn graffu
Canlyniad y broses sifftio	Amherthnasol
Gweithdrefn	Cadarnhaol drafft
Dyddiad trafod gan y Cydbwyllgor ar Offerynnau Statudol	26 Hydref 2022
Dyddiad trafod gan Bwyllgor Offerynnau Statudol Tŷ'r Cyffredin	Anhysbys
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	1 Tachwedd 2022
Cefndir Bwriedir i'r Rheoliadau hyn gael eu gwneud gan Lywodraeth y DU o dan adran 8(1) o Ddeddf yr Undeb Ewropeaidd (Ymadael) 2018, a pharagraffau 21(a) a (b) a 38(1) i (3) o o Atodlen 7 iddi. Byddant hefyd yn cael eu gwneud gan y Trysorlys o dan adran 90(1)(b) o Ddeddf Cyllid 2019. Crynodeb Mae'r Athrofa Brifysgol Ewropeaidd yn ganolfan ryngwladol yn Fflorens ar gyfer astudiaethau ac ymchwil ôl-raddedig ac ôl-ddoethurol. Er nad yw’n un o sefydliadau’r UE, ymadawodd y Deyrnas Unedig â Chonfensiwn yr Athrofa Brifysgol Ewropeaidd yn awtomatig pan adawodd yr Undeb Ewropeaidd. Cafodd Llywodraeth y DU drafodaethau gyda’r Athrofa ynghylch y posibilrwydd o ymgysylltiad parhaus. Fodd bynnag, mae Llywodraeth y DU wedi datgan na fu’n bosibl dod i gytundeb ynghylch ymgysylltiad y DU yn y dyfodol. Mae’r Rheoliadau hyn yn sicrhau bod cyfraith ddomestig yn adlewyrchu’r realiti ymarferol nad yw’r DU bellach yn cymryd rhan yng Nghonfensiwn yr Athrofa Brifysgol Ewropeaidd, a hynny drwy ddirymu cyfraith ddiangen yr UE a ddargedwir yn y maes hwn (yn amodol ar rai darpariaethau arbed a fydd yn berthnasol i tua 35 aelod o staff a gyflogir gan yr Athrofa y mae sefyllfa gyfreithiol y DU yn effeithio arnynt, gan ddarparu trwy hynny gyfnod addasu rhesymol i’r cyflogeion hynny). Datganiad gan Lywodraeth Cymru Mae Cynghorwyr Cyfreithiol y Senedd yn cytuno â’r datganiad a osodwyd gan Lywodraeth Cymru dyddiedig 8 Tachwedd 2022 ynghylch effaith y Rheoliadau hyn. Cytundeb Rhynglywodraethol ar Fil yr Undeb Ewropeaidd (Ymadael) Mae'r crynodeb uchod a chynnwys y Memorandwm Esboniadol i'r Rheoliadau hyn yn cadarnhau eu heffaith ac i ba raddau y byddai'r Rheoliadau hyn yn deddfu polisi newydd mewn meysydd datganoledig. Nid yw Cynghorwyr Cyfreithiol y Senedd o'r farn bod unrhyw faterion arwyddocaol yn codi o dan baragraff 8 o'r Memorandwm ar Fil yr Undeb Ewropeaidd (Ymadael) a Sefydlu Fframweithiau Cyffredin mewn perthynas â'r Rheoliadau hyn.